HStAOrient5a: 42v

ėdüb bir gün bir gėceye qarīb müddetde devresin tamām ėder. // Ve felek‑i aʿẓam gendü ḥareket‑i ẕātīyesiyle ḥareket ėdüb // sāyir eflāk bi‑l‑ʿaraż bunuñ ḥareketi ile ḥareket ėderler. // Şemsüñ ve sāʾir kevākibüñ ṭulūʿı ve ġurūbı heb bunuñ // sebebi iledür. Ve felek‑i aʿẓamuñ ḥareketine ḥareket‑i küll ve // ḥareket‑i ūlā dėrler ve quṭblarına quṭb-i ʿālem dėrler. Ve quṭbeyn // mā‑beyninde olan ḫaṭṭa miḥver dėrler. Mes̱elā ṭolābuñ igi // menzilesindedür ve quṭb dėyü aṣlda dolāb iginüñ // ucları ṭurduġı maḥalle dėrler. Pes ol ḫaṭṭ‑i mefrūż ki // miḥver dėrler bir ṭarafı quṭb-i şimālī ve bir ṭarafı quṭb-i cenūbdur. // Quṭb-i şimālī bir kevkebdür. Türkīde Demür qazuq ve ʿArabīde // Cedī dėrler. Ammā baʿżılar qavlince burūcda olan Cedīden// imtiyāz içün buña Cedī‑i benāt‑i naʿş dėrler. Ve quṭb‑i // cenūbī daḫı bir kevkebdür ki ismine Süheyl dėrler. Bizüm arżumuzda // ṭāliʿ degüldür ġārbīdür [!]. Quṭb-i şimālī ufuqdan ne‑deñlü mürtefiʿ // ise ol daḫı cenūb ṭarafında ufuqdan ol miqdār münḥaṭṭ olur. Bir kimse // cenūb ṭarafına ḫaṭṭ‑i nıṣf‑i nehār üstine altı aylıq yol // gitse Süheyl daḫı ufuq-i cenūbīden ṭulūʿ ėder dėrler ve Süheyl // mürtefiʿ olduqça quṭb‑i şimālī ġurūb ėdüb münḥaṭṭ olur.